სოციალური საწარმო “პოტერია” 2018 წელს დაფუძნდა. საწარმოს დაფუძნების იდეა უკავშირდებოდა დამფუძნებელთა სურვილს, შეენარჩუნებინათ ქართული ტრადიციული რეწვის დარგის - თიხისა და კერამიკის დამუშავების ტექნიკა და პოპულარიზაცია გაეწიათ მისთვის. დამატებით, გუნდმა მიზნად დაისახა, ეზრუნა კანონთან კონფლიქტში მყოფ ქალებზე, რომელთა კერამიკის წარმოებაში ჩართულობასაც ორმაგი დადებითი შედეგი ექნებოდა - პროფესიული გადამზადება-დასაქმება და არტ-თერაპიული ეფექტი, რაც თიხასთან საქმიანობას ახლავს თან. „პოტერიას” სოციალური მისიაა კანონთან კონფლიქტში მყოფი ქალების საზოგადოებაში რეინტეგრაციის ხელშეწყობა ახალი პროფესიის ათვისებითა და შემოქმედებით სახელოსნოში დასაქმების მეშვეობით. პროდუქცია - თეთრი თიხისგან დამზადებული, ე.წ. უტილის, სხვადასახვა სახის პროდუქტი, თეთრი თიხისგან დამზადებული მზა სასუვენირო პროდუქტი დაბეჭდილი გამოსახულებით. გარდა პროდუქციისა, სოციალური საწარმო დაინტერესებულ პირებს სთავაზობს თიხისა და კერამიკის კურსებს “გამოძერწე შენი ფანტაზია”.