ეთნოდიზაინი
კულტურული მემკვიდრეობის შენარჩუნება
სოციალური მაღაზია „ეთნოდიზაინი“ წარმოადგენს კონცეპტუალურ მაღაზიას, რომელიც დაფუძნდა 2015 წელს. იგი თავს უყრის თბილისსა და რეგიონებში ტრადიციული რეწვის 250-მდე ოსტატის მიერ შექმნილ მაღალი ხარისხის ხელნაკეთ პროდუქციას. „ეთნოდიზაინის“ სოციალური მისიაა ტრადიციული რეწვის ოსტატების ეკონომიკური მდგომარეობის გაუმჯობესება მათი პროდუქციის ხარისხისა და დიზაინის განვითარებითა და გაყიდვების ხელშეწყობით.
პროდუქცია - “ეთნოდიზაინში” წარმოდგენილი პროდუქცია აერთიანებს ქართულ ტრადიციულ და, ამავე დროს, ინოვაციურ ელემენტებს, რომლებიც მორგებულია თანამედროვე ბაზრის მოთხოვნებს. ადგილზე წარმოდგენილია მრავალფეროვანი და გემოვნებიანი პროდუქცია კერძოდ: ქალისა და მამაკაცის აქსესუარები, საყოფაცხოვრებო ნივთები, სამკაული, ინტერიერის აქსესუარები, სამოსის აქსესუარები. ტრადიციული იარაღი, ხალიჩა/ფარდაგები, სუვენირები.